GIKUYU 289 - 265

 1.  Ndamwira maundu macio mutigatirike  Mutigate muoyo wa ma wa Mwathani wanyu    Njamba cia Mwathani mutigate thumbi  Cianyu cia muoyo    2.  Ciana ciakwa ndamuthaitha mutigetigire  Araika me hamwe na inyui mamurigiciirie    3.    Gukena ni maitho manyu tondu maitho manyu nimekuona   Na matu manyu makaigua muoyo wi hakuhi     4.  Ciana ciakwa mukarumwo na muthekererwo  Tondu thi-ino turi ageni gwitu ni matu-ini     5.  Muriithi witu ni wama ningi ni wa thayu  Ngondu ciake aciriithagia na akainukia kiugu

 1. Kirathimo kia unene wa matu-ini Kina hinya wina kio guku thi wina gikeno    2.  Wenda ngwataniro ya uthamaki wa matu-ini  Na Roho akwandike riitwa ibuku-ini    3.  Thambia maitho ma ngoro uige umenye  Na uhingure ngoro yaku matu uigue mwihitwa    4.  Niogire iguru kaba rithire na guku thi  Kiugo kia urathi uyu gitigathire    5.  Jesu ni arathimiire ciana ciake  Iria endete kirathimo giki thikiririai     6.  Ni ruo na kieha na maithori na kwinyihia  Ningi kunyarirwo guku thi guothe.

  1.  Anabii merire nduriri cieterere  Njamba iria ikariithagia  Ng’ondu ciothe cia Jehova     2.  Jesu arikia guciarwo  Niaiyurirwo ni urume  Wakuruira Ng’ondu  Omiriirie ngoro muno    3.  Ucio niwe Muriithi   Utari wa mucaara   Niaruire na hiti  Onginya agiitwo thakame    4.  Niakorirwo ni nyamu  Ikimurigiciria  Na ndeherere Ng’ondu  Tondu ndari wa mucaara    5.  Muriithi wa mucaara  Onaga hiti akora  Miruthi yararama  Agatiga ng’ondu ciiki      6.  Mwathani riria atuire gwaka  Githima kiria gia gwithambwo ni ngoro  Uthiu wahanire riua    7.   Nguo ciake ikieruha  Ta utheri munene  Musa me na Elija  Magiuka ho matuike aira    8.  Petero na atumwo othe  Roho uria maitiriirio watumire matuure  Momiriirie ngoro muno    9.   Mahuranire mb...

 1.  Riria Roho aikurukiire atumwo me Jerusalem  Andu moigire ni kurio maritwo  Ni njohi iria ya muthondekano  Kiria mundu ahetwo ni Jehova  Ndakae kurekia  Tondu arekia ni arekia muoyo uria  Ukaheanwo wa tuhu    2.  Nake Roho arikia kumaiyura akimekira  Magiitika guthioma thiomi njeru  Ta uria Roho amahotithirie    3.  Nake Petro arikia kumamenya akimoimburira  Uhoro wothe uria warathitwo  Ni Joel marua-ini make     4.  Nao marikia kuuma Jerusalem Stefano agithii  Akihunjagia uhoro uria mwega  Nake akiuragwo na mahiga    5.   Nake Mwathani niatumburiire  Maciaro ma roho maria aciaraga ni minyamaro   Na gukiririria na kuragwo.

 1.  Njerekeire matu-ini ndongoretio ni Roho  Ningi ni utheri wa Mwathani  Ona ndingitigira mbaara kana magerio  Ndithiaga na utheri wa Jesu    Ni rugendo nyitite njerekeire matu-ini  Ndithiaga na utheri wa Jesu  Ndiri hindi ngahingwo tondu ndina utheri ucio  Ndithiaga na utheri wa Jesu     2.  Ndongoretio ni Roho Mutheru wa Ngai  Ndingiona thina rugendo-ini  Tondu ndikayagira Jehova Ngai wakwa  Tondu niwe Ngai uria uri tha     3.  Ndugathikuririe mumena Mwathani  Tondu egukwira wihie mathani  Akwerekerie njira ya guthii iria-ini  Riria inene ritari gituri    4.   Guku thi ndi mugendi ndiri na kihuruko  Kihuruko kiri matu-ini  Ingiona thina kana nyonane na magerio  Ndithiaga na utheri wa Jesu    5.  Paulo muhunjia uria wahunjiirie nduriri  Na ruo na minoga miingi  Omiriirie ngoro tondu nierigiriire  Thumbi ya muoyo...

1.  Mutongoria oimaga iguru kwa Ngai  Ndoimaga kwenda-ini kwa andu  Athuragirwo nda ni Ngai akamurwo  Ona agaitirio maguta    Ucio mutherie na mwamure ni Ngai  Niarugamirio mbere ya andu mamenye  Ni murathimire utongoria    2.  Gutongoria mioyo ya andu aingi na ikinye  Ni Ngai urathimanaga  Ona guitiriria maguta na thayu  Ni Ngai uitanagiriria    3.  Bethlehemu kwa Jesii Samweli  Riria arathimaga uthamaki  Mugambo woimire na iguru kwa Ngai  Akirwo arathime Daudi     4.  Muthenya ucio Ngai nierire Samweli  Nii ndiroraga mothiu ma andu  Nii Ngai ndoraga ngoro ni njui  Ngoro nyamure na ndathime    5.  Andu a guka thi mahenagio meciria  Mona mothiu ma andu aria athaka  No Ngai akenagio ni ngoro iria thingu  Ona ingihoya ni aiguaga    6.   Niaiguire mahoya ma Hana agikena   Ngai agiikurukia kiheo  ...

  1.  Ndi mugendi rugendo rwa muoyo  Nikio ngenagira Mwathani  Niundu uira wa Roho Wama  Ngaigua ãira ucio no unjigane    No muoyo njirigiriire no muoyo mwihoko wakwa  Njathikage niundu wa muoyo  Ngakiririria niundu wa muoyo    2.  Ndithagumagia cio Roho Wama  Kuri waria na ukiri wakwa  Ciugano-ini ciitu turi atheru  Kuu nikuo Ngai akenagira   No muoyo twirigiriire no muoyo mwihoko witu  Hekaru ya Ngai ni miiri itu  Atheru Ngai aturanie na ithui    3.  Ona kihia ehotorera mwiri   Ndituaga Ngai wakwa mutheru   Ndamwathikira nake andathime   Nyunage ndu ndi thi-ini Wa Roho    No muoyo njirigiriire no muoyo mwihoko wakwa  Roho wama ni munyumiriria  Ndi thi-ini wake ndikehithirwo    4.  Mwathani nowe wanguiriire  Ndari haraya akindeharehe  Agikindua umwe njirigirire  Hamwe na aria mari mbere yakwa   ...

 1.  Wihotore o biu wega muno ta arume  Rugendo-ini ruru utuike njamba uthii ukinye    Wakinya matu-ini   Ndugathina na ndugakua    2.  Kiririria utorie mathina ma mwiri uyu  Wahota Shaitani uthii ukinye ni ugakena    3.  Kuu ndukarwara mwiri wakuo ni mweru  Ni wa riumba ria Roho menya ndugakura     4.  Mathina ma nguo nimagakweherera  Na mathina ma nda ni ukaninirwo biu    5.  Riri wa Jehova niguo ugagutongoria   Wega wa Mwathani uguthiurukagirie.

 1.  Ngoro yakwa cokerera kihuruko-ini kia Jesu  Tiga kura tiga kuhangahaga cokerera hari Jesu   Muhonokia waku niho ukona thahabu njega gukira ya guku thi  Uturo wa tene muoyo wa tene ma    2.   Ndukariganirwo ni wendi uyu Mwathani   Akwendire   Riria onire ndugakinyira andu a matu-ini   Nierutire akiuga akue ni getha agukure na thakame yake   Na akihota hinya wa mithaiga ya guku thi na hinya wa iguru     3.   Nao aria matiganiire uhoro wa Jesu  Makiuga twatura turumagirira uhoro wa Ngai  Nitukaga wega wa thi ni Wega tucoke tukarie na tukanyue  Niguo ngoro citu cione uhuruko guku wa tene na tene    4.  Guku thi gutiri muoyo na gutiri kihuruko  Riria weciria gucoka na thutha norio ngoro yaku  yoigire ndukahuruka    5.  Ngoro yakwa tiga kwenda miago ya guku thi  Na maundu mayo ni makurumwo hamwe na  munene wamo...

1.  Matuku-ini ma Johana uria wabatithagia andu  Niahunjirie uhoro mwega weru-ini wa Judea  Akihunjia ni amerire marikia kugomana othe  Mwirirei uthamaki wa Iguru niukuhiriirie    2.  Johana nionire thina nguo ehumbaga ya guoya  Wa ngamira na ariaga ngigi na uuki wa hako  Ehotorete njohero na mukwa akibatithia andu  Rui-ini rwa Jorodani akiumbura ni amerire    3.  Afarisai moka na Asandukai amerire  Ruciaro ruru rwa nyoka nu umukinyiirie uhoro  Mweherere marakara maria Ngai agaitiriria   Andu aria me ngoro njuru maturaga thi-ino mehagia    4.  Thiii muciare maciaro maringaine na kwirira  Ngoro-ini mutigecirie mwi ciana cia Iburahimu  Ngai ena hinya wa kuuga mahiga momu ta maya  Magaruruke matuike ruciaro rwa Iburahimu    5.  Johana akimabatithia ndamahithire amerire   Riu ndimubatithagia na maai niguo mwirire  Uria uguuka thutha wakwa ucio ena ...

1.  Tegai matu athuri na atumia othe  Na anake na airitu  Ona tuhii na tuiritu ukirai toro  Inyui mwiririirie njira ya muoyo  Na mukeririria, uhoro uria wa ma utari wa maheni    Iguai gitina kia nyumba iyo  Ya uhonokio Jesu akiire andu othe     2.  Jesu oima weru-ini magerio-ini make  Etire Petero na Jakubu na Johana  Amakirathimirwo kieha na maithori  Akimatua nyumba ya uhonokio  Ya kuhonokia, mioyo ya andu othe yume gwa Shaitani     3.  Mwathani witu athurire Petero na Jakubu na Johana  Atatu akimambatia kirima githeru  Akimahoera mendane muno matu-ini gukiuma   Musa na Elijah moke matuike aira    4.  Gakenge ka Jairo Jesu agikahonia  Ndetikirire hakorwo andu aingi  Tiga Petero na Jakubu na Johana oiki  Jesu amathurire matuike aira a ma  Na ithe wa kaana, na nyina makorirwo hamwe na aira acio    5.  Muthenya wa Jesu wa wakinya ...

1.  Tha ciaku nyingi Mwathani wakwa Cuthiriria ngoro yakwa wone Ndiri na bata na wega wa thi Ninjirigiriire uthamaki   2. Ndirikanaga Mwathani wakwa Ngariganirwo ni wega wa thi Ndamenya matuku mirongo ina Atuire weru-ini na minoga   3. Ona Shaitani amuonia indo cia thi Jesu akimwira uhoro wama Turagia ndu he Mwathani waku Na umuhoyage ariwe wiki   4. Mwathani ekuga twirute nake We ni mwinyihia na muhoreri Na twanina mbara yothe ya thi Nitugatonya kihuruko   5. Wirute wega na kiyo kiingi Wihananie na Mwathani witu Hatiri njira ingi ya gutonya Uthamaki-ini ucio wa iguru.

1.   Uyu ni uguurio wa Ngai uria wonirio Jesu Onagie ndungata ciake imenyage niukahingio   2. Jesu ekwanirira akoiga mundu ukwenda gukena Niamenyagirire uguurio Jehova niakuhihiirie   3. Niagurire ngoro ciothe cia aria mamwihokete Na agicitua uthamakiro wa Ngai na wake mwene   4. Ruhiu rwa kanua ka Jesu ruria ruugi mbari cieri Rwa gucina aregi othe aria maregire Jesu   5.   Riria Ngai akaigua uuru ni gucambio ni ngoma Niakahihia ituro ciothe na urutani wa ngoma   6.  Thigari ya Mwathi Jesu ni igatoria Shaitani Gaturume ari mbere yake na ruhiu rwa kanua gake.

1. Nguthaitha athuri na thaithe atumia Na thaithe anake ona thaithe airitu Ohamwe na ciana iria nyinyi cia ngenge Mathikiririe uria Roho ekuga   2. Roho ekuga nderuta wira na njuku Na nderuta wira na maheni Na nderuta wira na andu a gicambanio Na nderute wira na mwigatho   3. Ngoro-ini cia andu aingi kuiyuire mwigatho Na gukaiyura mbara na hinya Na gukaiyura njuku ona kwinenehia Na ningi gukaga uhoro wa ma   4. Murage njuku na uthu na gicambanio Na murage uhinga na rumena Na murage uhi na thuti cia mwiri Nigetha Roho atwarane na inyui   5. Musa erire Ngai ni ngwenda gukuona Nake Ngai akira Musa atiri Gutiri mundu unginyona acoke gutura muoyo Mundu anginyona no nginya akue   6. Ngai erire Musa ere andu othe metherie Niguo makuhiririe kirima Niguo mathikiririe uria Ngai ekwenda Ni getha ndakae kumanina   7. Na inyui mungikorwo nimuonete Roho Mutingicoka gwathwo ni mwiri No nginya mukue ciiga cianyu cia mwiri Hamwe na meririria ma mwiri   8. Na inyui inyu...

1. Ngwariria athuri a thi yothe na atumia Na anake na airitu na ciana cia ngenge   Ngoma ari na mbaara nene na ciana cia Roho Kairai Ngai nama muiyuirwo ni kieha   2. Ngoma niekirite ngoro muhuthia na thieya Niguo iremwo ni gwitikia igaikio mwaki-ini   3. Ngoro nyingi aciyuritie muhuthia na thieya Niguo iremwo ni kuhoya acihibanirie   4. Roho oigire na akoimbura muthenya ni ugoka Andu amwe mahutatiire uhoro uria wama   5. Mendage kuigua na matu mohoro ma tuhu Na maroho ma riera-ini maragia maheni.   6. Ngoma niahithite ngondu ruru-ini rwa Jesu Niguo ahitithie ngondu ruru rwa Jesu   7. Wiyurie na ngoro yaku wiwa ng’ondu iriku Cia Jesu kana cia Caitani wicuranie wega   8. Ngai Baba twaguthaitha tuhe gukurana Ng’ondu cia ruru rwa ngoma itigatuhitithie.

1. Andu aria matenda Ngai moraga matari aingate Nao aria menda Jehova Jesu akamomiriria   Mwathani tuhotithie tuhingie mathani maku Na tukona uhonokio   2. Tondu wa maundu ma thi anene a thi ni aingi Nao andu a Mwathani mena muoyo wa tene   3. Andu aria mendete Ngai makainuka matu-ini Nao aria matenda Ngai magathii gwa Caitani   4. Andu aria mari na Ngai na Jesu na Roho Giikaro gia gwa Caitani matigakiona na maitho   5. Andu aria mataiguaga mathani ma Jehova Jehova amatahikaga riria maturitie ndu   6. Aria mahithaga mehia acio ni makarumwo Aria meririte mehia acio makaiguirwo tha.

1. Jesu oigire ni ngaka Kanitha Mutheru Mahinya ma kwa ngoma matikauguithia Kanitha mutheru wa Ngai   2. Anabii na atumwo na atheru a mbere mbara-ini Ni ciiga cia Kanitha Kanitha wi hinya Kanitha mutheru wa Ngai   3. Paulo agituma marua Koronitho kanitha-ini Ti ndini ni getha murata ndukahenio Ni Kanitha mutheru wa Ngai   4. Paulo ni erire athuri a Efeso atiri Riithagia Kanitha Roho ni amutuite Arori a Kanitha wa Ngai   5. Ukiingira Kanitha-ini no muhaka uthiire kihingo-ini Jesu niwe kihingo ugithii Kanitha-ini Kanitha mutheru wa Ngai   6. Kanitha anirira wihumbite uthingu wa Ngai Uheane uhoro mwega ukonii Kanitha Kanitha mutheru wa Ngai   7. Jesu nioi Kanitha uria eguriire na thakame Ni muhiki umwe nake niwe Kanitha Kanitha mutheru wa Ngai.

  1.  Niukwenda kuona muoyo niukwenda kurathimwo  Gaturume ka Ngai ni kahonokagia ehia     Ruungu rwa mutharaba  Gitina kia irathimo wiiguithie  Mutharaba-ini niukona kirathimo    2.  Musa uria wa tene ona kirima gikihia  Eguithirie akiohora iratu ciake ciari maguru     3.  Zakayo uria gitonga ahaicire muti iguru  Jesu amwirire haruruka nawe haruruka na ihenya    4.  Paulo uria wa tene ona riri wa Mwathani  Eguithirie mutharaba-ini maitho makihinguka

1. Ningwihoka Mwathani rugendo-ini rwakwa Onginya riria ngakinya mucii wa matu-ini   2. Ndarikia kuhingurirwo mucii ucio wa iguru Ningarihwo minoga ya rugendo rwakwa   3. Ona nduma ingineneha ya rugendo rwakwa Jesu niagatuika utheri wa rugendo rwakwa   4. Arata tigwoi riu ni ndainuka Nindacoka gwitu mucii niguo ngahuruke   5. Ndingitigira kumenwo na gucambio ni andu Hamwe na guthekerwo ni undu wa Mwathani   6. Mundu uria ugukiririria nginya ithiriro Jesu oigite nama niwe ukagaya uthamaki.

1.  Ndakua ndikamaka ninjirigiriire  Ninjigiirwo muoyo iguru naguo ndugathira    2.  Andu aria matari na kirigiriro  Maikaraga guku thi ino ta mari atumumu     3.  Andu aria othe mari na kirigiriro  Matihurukaga tondu nimerigiriire    4.  Ningumuria kiuria inyui aria mwi thi  Naguo muthenya wa gukua mukarora na ku?    5.  Ni ngumumenyithia kuri hindi igoka  Andu aria akuu makariuka moime mbirira-ini    6.  Ni gukagia thina hindi ya iriukiro  Kuri andu aria othe matari na kirigiriro.

1.  Ni thi ndaya muno ucangite  Igua mugambo mwana wakwa    Coka narua coka gwa thoguo waku  Niucangite uheo coka gwake    2.  Mithi ya ngaragu iria ucangite  Ona gutangika mwana wakwa    3.  Niucangite muno na itikuigane  Uka woherwo mwana wakwa    4.  Metha ya wiriri yandikiitwo  Ningwendete muno mwana wakwa     5.  Murango uri utheri ningwetereire  Wi murata mwana wakwa    6.  Thiri wa gucanga gitige riu  Thutha niguo gukua mwana wakwa    7.  Muthini ndakiri na gia kwihoka  Ningi ndari wega mwana wakwa     8.  Ni ngwendete muno ndingiriganirwo  Kana ngukuranie mwana wakwa.

1.  Andu a Mwathani tegai Matu muthikiririe  Ruo rwa Isiraeli Makirira Jehova    Miaka mirongo mugwanja Thu ikiruma Jehova  Uguo niguo mugekwo Mwathura kigongona    2.  Thu ciao ikimanyururia na ikimahinyiriria  Na matingiumiriria kuruira Jehova    3.  Ngurumo-ini cia njui cia Babuloni kuu Babuloni  Othe maririire kuo maririkana Ngai    4.  Uthamaki-ini ucio wene maturire me rungu  Na ruo na maithori tondu mari ukombo-ini    5.  Magongona ma athuri na atumia na anake  Na airitu na tukenge thu ikimaharagania    6.  Inyui athuuri na atumia Na anake na airitu  Na tukenge gitina giitu ni githinjiro.

1.  Uthikiririe Mwathani na uigue migambo  Ikiuria ni nginya ri Ngai tukambata iguru    Jerusalemu uhuruko wakwa na arata  Na Jehova na Mwathani na Roho Mutheru    2.  Arutwo arata akwa ngumwira na kieha  Mutige ciothe cia thi-ino muinuke Zayuni     3.  Nguguthaitha Mwathani na ngaita maithori  Ringwo ni tha na wendani nyinuke Zayuni    4.  Kieha kiingi na maithori nyonetio ndi thi-ino  Niundu wa Zayuni njeru na muoyo wa iguru    5.  Ninogete ni guikara ndicuthiriirie thi  Ndiri kindu ngwenda thi-ino no Zayuni njeru    6.  Nyinukia Baba Mwathani ndiri uturo thi-ino  Kana mwihoko ndi thi-ino no Zayuni gwaku    7.  Wira wakwa Baba wakwa uria ndirarutaga  Ni muthiru Jesu wakwa hingura nyinuke.

1.  Ririkana muthenya uria wetiirwo muoyo ni Roho,  Waiguire wendo ngoro tigaga kuriganirwo.    Ririkana muoyo utige thieya na mawira wanaruta  Na ng’aragu wihotorete njohero tigaga kuriganirwo.    2.  Wakiriririe kumenwo na ugikiririria mbaara,  Na gicambanio kinene tigaga kuriganirwo.    3.  Ni mehia kuriganirwo uria waiguiri o mbere  Jesu ni muoyo agwitiire tigaga kuriganirwo.    4.  Rugendo-ini rwaku ruothe, gukiririria ndugate,  Na ndugate uumiriru tigaga kuriganirwo.    5.  Ng’endo cia wira wa Ngai cia minoga na thithino  Ti cia tuhu wahotana tigaga kuriganirwo.    6.  Utuku kwarahukaga, bbara ya toro ugatoria,  Roho waku uthaithe Ngai, tigaga kuriganirwo.

1.  Mwathani nĩ erire Petro nĩ niĩ ihiga rĩa ũthamaki  Rĩrĩa rĩonirio Daniel e bũrũri wa agenda  Tũgakena mũno mũno twĩ ngiri cia Gatũrũme  Tũkĩgoca Mwathani twĩna thũmbĩ cia ũthamaki    2.  Ndagwĩta ũtuike gĩthima gĩa kũnyuagwo nĩ athini  Heaga ng’ondu gĩa kũrĩa tondũ itonga nĩ ciarega     3.  Mwarega Roho Wa ũthingu mũkagaya ta Esau  Werirwo nĩ ithe arathimwo akienda irĩo cia irĩa rĩmwe    4.  Nũũ ũngĩhana ta Musa rĩrĩa arĩ kwa Firauni  Woimire nyumba ya ũnene akĩũgaĩra mĩhianano    5.  Ũrĩa ũtarĩ na Roho thĩ-inĩ wa nyũmba ya ngoro  Makagaĩrwo mũtino tondũ ti ahiũ na ti ahoro     6.  Arĩ mena mũtharaba mangĩkaga kũhurũka  Na mangĩkaga mũtino makagaĩrwo ũthamaki    7.  Ona angĩkorwo nĩ athĩni kana ciana cia ũthamaki  Mangĩkarega gĩthima ona niĩ nĩ ngamarega