274. TUKU-INI MA JOHANA URIA WABATITHAGIA ANDU

1.

 Matuku-ini ma Johana uria wabatithagia andu
 Niahunjirie uhoro mwega weru-ini wa Judea
 Akihunjia ni amerire marikia kugomana othe
 Mwirirei uthamaki wa Iguru niukuhiriirie
 
 2.

 Johana nionire thina nguo ehumbaga ya guoya
 Wa ngamira na ariaga ngigi na uuki wa hako
 Ehotorete njohero na mukwa akibatithia andu
 Rui-ini rwa Jorodani akiumbura ni amerire
 
 3.

 Afarisai moka na Asandukai amerire
 Ruciaro ruru rwa nyoka nu umukinyiirie uhoro
 Mweherere marakara maria Ngai agaitiriria 
 Andu aria me ngoro njuru maturaga thi-ino mehagia
 
 4.

 Thiii muciare maciaro maringaine na kwirira
 Ngoro-ini mutigecirie mwi ciana cia Iburahimu
 Ngai ena hinya wa kuuga mahiga momu ta maya
 Magaruruke matuike ruciaro rwa Iburahimu
 
 5.

 Johana akimabatithia ndamahithire amerire 
 Riu ndimubatithagia na maai niguo mwirire
 Uria uguuka thutha wakwa ucio ena hinya kungira
 Watho wake ni munene na ituiro riake ni inene
 
 6.

 Ni Jesu Johana oigire ati we akabatithia andu
 Na Roho Mutheru na ma andu ake matuike athingu
 Na marega gutuika ega mitugo yao yagire
 Magatuwo maragara mahihio matuike muhu